Omulembe Gwa Dot Com Lyrics – Annet Nandujja

Leero amazina ndeese ga muswaaba sirina
N’ekiwato kyangayadde (yee)
Abaana bammaze morale
Guno omulembe gw’akaco kano gwa dot com
Mulembe gwa kusaanya nsi

Munaazikuba oba tugendere awo?
Omanyi ssikyeguya nnyo
Naatyabula amateera (yee)
Abaana bammaze morale
Guno omulembe gw’akaco kano gwa dot com
Mulembe gwa kusaanya nsi

Munaazikuba oba tugendere awo?
Omanyi ssikyeguya nnyo
Ŋŋamba engalo abalungi (yee)
Naatyabula amateera nze
Guno omulembe gw’akaco kano gwa dot com
Mulembe gwa kusaanya nsi

Kati kuba eŋŋoma empeweevu
Ng’ate ssi ya ggayaalo
Wadde nina obusungu (yee)
Ngya kuyomba mbiibyamu mpola
Guno omulembe gw’akaco kano gwa dot com
Mulembe gwa kusaanya nsi

Owaaye engalabi yo embuze
Ennyumidde mwana wange
Kululi nali nginyoomye (yee)
Okubye bulungi mwana wattu
Guno omulembe gw’akaco kano gwa dot com
Mulembe gwa kusaanya nsi

Guno omulembe guntanudde
Omulembe gwa dot com (yee)
Gwe gunzigye e buziizi
Guno omulembe gw’akaco kano gwa dot com
Mulembe gwa kusaanya nsi

Ŋenda ne mbasiriikirira mmwe ne mulowooza
Nti obwongo bwantalagga (yee)
Mbeera mbalaba gyendi mu kamooli
Guno omulembe gw’akaco kano gwa dot com
Mulembe gwa kusaanya nsi

Omuzadde n’asasula fees ogende osome mukwano
Gwe n’odda mu kulaaya (yee)
Ne gy’osomera otuuka lw’oyagadde
Guno omulembe gw’akaco kano gwa dot com
Mulembe gwa kusaanya nsi

Omusomesa asomesa omuyizi
Nga gw’asomesa munnange ali ku WhatsApp (yee)
Kyemuva mufuna retake
Guno omulembe gw’akaco kano gwa dot com
Mulembe gwa kusaanya nsi

Musomesa asomesa omwana
Nga gw’asomesa munnange ali ku Facebook (yee)
Ng’alaba bya kiseegu
Guno omulembe gw’akaco kano gwa dot com
Mulembe gwa kusaanya nsi

Kusiiba mu malodge
Bibanda bya firimu mukeera bikeere (yee)
Mbu muba mulaba bu soap
Guno omulembe gw’akaco kano gwa dot com
Mulembe gwa kusaanya nsi

Omuzadde n’asasula fees ogende osome mukwano
Gwe n’odda mu kulaaya (yee)
Mbu oli ku banno ofunisa mbuto
Guno omulembe gw’akaco kano gwa dot com
Mulembe gwa kusaanya nsi

Weetegese otya Nambeeguya?
Ku biseera byomumaaso (yee)
Okusoma tawaaza yennyini
Guno omulembe gw’akaco kano gwa dot com
Mulembe gwa kusaanya nsi

Otegese otya Sembeeguya?
Ku biseera byomumaaso (yee)
Future yo ogikotoggedde!
Guno omulembe gw’akaco kano gwa dot com
Mulembe gwa kusaanya nsi

Oludde ku ssomero wattu
Ate laba olutuuka eka otuukira ku ttivvi! (yee)
Aah ah yamba ku muzadde
Guno omulembe gw’akaco kano gwa dot com
Mulembe gwa kusaanya nsi

Gwe oliyiga ddi emirimu nnyabo?
Nga n’akaleega bakakwoleza! (yee)
Nga n’obuwale bwo omukozi y’ayoza!
Guno omulembe gw’akaco kano gwa dot com
Mulembe gwa kusaanya nsi

Aah abaana mubatuuze
Mubatendekenga n’okutya Katonda (yee)
N’amagezi gasookera omwo
Guno omulembe gw’akaco kano gwa dot com
Mulembe gwa kusaanya nsi

Naawe gavumenti taata
Tukusaba ssebo tugunjule ku baana (yee)
Tuwone ab’obutayimbwa
Guno omulembe gw’akaco kano gwa dot com
Mulembe gwa kusaanya nsi

Omwana tomutuuzizza
Ne gy’asomera asoma na bagwiira! (yee)
Njagala okimanye nti obuwangwa bwawuka
Guno omulembe gw’akaco kano gwa dot com
Mulembe gwa kusaanya nsi

Kati omusuubira kuba atya?
Ng’ewaabwe wa mukwano gwe balya bawanda (yee)
Ky’ava asalawo n’asitama ku mmere
Guno omulembe gw’akaco kano gwa dot com
Mulembe gwa kusaanya nsi

Mulala baamutuma jjiiko yaleeta kitiiyo
N’ajuliza mbu ye tabyawula! (yee)
Olifumbirwa wa Nankanja?
Guno omulembe gw’akaco kano gwa dot com
Mulembe gwa kusaanya nsi

Emmere olugijjula omuwala ateeka ku ssowaani
Nga yeekuba kisenge kye (yee)
Mbu alya ali ku internet
Guno omulembe gw’akaco kano gwa dot com
Mulembe gwa kusaanya nsi

Omwana tafunye amugamba
Nti mwana wange gaaya bwoti (yee)
Kyova olaba ng’alya aswankula
Guno omulembe gw’akaco kano gwa dot com
Mulembe gwa kusaanya nsi

Era nno tafunye amugamba
Bagaaya kimomozo emimwa giwumbe (yee)
Omukazi tasitama ku mmere
Guno omulembe gw’akaco kano gwa dot com
Mulembe gwa kusaanya nsi

Nkaabira nsi yange nnyabo
Nkaabira Uganda yattu (yee)
Omulembe nze gunsobedde!
Guno omulembe gw’akaco kano gwa dot com
Mulembe gwa kusaanya nsi

Lwo Oluzungu mulufuuwa
Musinga ne bannyini lwo nze sikigaana (yee)
Kati muyige n’okuwaata ku mmere
Guno omulembe gw’akaco kano gwa dot com
Mulembe gwa kusaanya nsi

Naye Oluzungu mwalukoppa
Musinga ne bannyini lwo nze mbeebaza (yee)
Kati muyige n’okutyaba ku nku
Guno omulembe gw’akaco kano gwa dot com
Mulembe gwa kusaanya nsi

Era amasimu wattu mugakwata
Muganyiga n’okukira abaagakola nnyabo (yee)
Kati muyige n’okusala ku njala
Guno omulembe gw’akaco kano gwa dot com
Mulembe gwa kusaanya nsi

Onootukula otya nno gy’onaabira?
Nga ku ngalo enjala namulimi yennyini! (yee)
Kyemuva muwunya anti
Guno omulembe gw’akaco kano gwa dot com
Mulembe gwa kusaanya nsi

Owange emisomo bw’oligivuunika (yee)
Olifumbirwa wa namagwatala? (yee)
Nga ne w’oliridde okutegula kwalema
Guno omulembe gw’akaco kano gwa dot com
Mulembe gwa kusaanya nsi

Omulungi katukulinde
Olyejjuukiriza odibidde bwemage (yee)
Omucaafu baana battu nga tagendeka
Guno omulembe gw’akaco kano gwa dot com
Mulembe gwa kusaanya nsi

Producer Brian
Nandujja Foundation

Mikwano namulabako omuwala
Nga mwana muwala yagwatala
Ng’alinga ekidiba

Abange omwana w’omusajja oli yagwatala
Nga mwana muwala yagwatala
Ng’alinga ekidiba

Munnange okusoma olwalema
Nga mwana muwala yagwatala
Ng’alinga ekidiba

Nga yeefunira musajja yefumbize
Nga mwana muwala yagwatala
Ng’alinga ekidiba

Mu butuufu omwana w’omusajja nga yalungiwa
Nga mwana muwala yagwatala
Ng’alinga ekidiba

Naye nga n’obucaafu bwanoga
Nga mwana muwala yagwatala
(Weebale nnyo)
Ng’alinga ekidiba

Okuyomba obuyombi nga gwe bapangisa
Nga mwana muwala yagwatala
Ng’alinga ekidiba

Twamubuulirirako awo n’atukooyesa
Nga mwana muwala yagwatala
Ng’alinga ekidiba

Yatweddiramu nti wa dot com
Nga mwana muwala yagwatala
Ng’alinga ekidiba

Nti bino ebyaffe bya kizeeyi
Nga mwana muwala yagwatala
Ng’alinga ekidiba

Wenjogerera obufumbo bwalema
Nga mwana muwala yagwatala
Ng’alinga ekidiba

Ali eri atunda kaboozi
Ne ba customer ngamulina ennaku

Guno omulembe gw’akaco kano gwa dot com
Mulembe gwa kusaanya nsi

Owange omundabiddeko eyo mumugambe
Nti obulungi bwamulimba (yee)
Bitambulira wamu obulungi n’empisa
Guno omulembe gw’akaco kano gwa dot com
Mulembe gwa kusaanya nsi

Nze wamma baana bange kambatuuze
Muyige empisa n’obuyonjo (yee)
Obulungi tebubalimba
Guno omulembe gw’akaco kano gwa dot com
Mulembe gwa kusaanya nsi

Abatabani mbagambye (yee)
Abange muyige okuyiiya
Temutuga abazadde olw’okuba ensimbi
Guno omulembe gw’akaco kano gwa dot com
Mulembe gwa kusaanya nsi

Abazadde mutuyambe
Obuvunaanyizibwa temubusuula (yee)
Munnange ky’osiga era ky’olikungula
Guno omulembe gw’akaco kano gwa dot com
Mulembe gwa kusaanya nsi

Abasomesa abalungi
Abange nammwe mutuyambe (yee)
Musomese abaana okwetandikira emirimu
Mu kifo ky’oginoonya
Guno omulembe gw’akaco kano gwa dot com
Mulembe gwa kusaanya nsi

Katonda tumusinze
Kubanga ye tawaaza (yee)
Wamma etumulisiza ekkubo
Guno omulembe gw’akaco kano gwa dot com
Mulembe gwa kusaanya nsi

Abange ka nkome awo
Abuulira omugezi sazze keesa (yee)
Mubundabira nnyo obulenzi bwammwe
Guno omulembe gw’akaco kano gwa dot com
Naye mubukuule mpola
Mulembe gwa kusaanya nsi

Submit Corrections