Kezaala Lyrics – Kazibwe Kapo

Yiii! Ntendereza olunaku
Lwe nnava ewaffe e Ŋŋando ku nkuzi mbayimbire
Ate nammwe ne munjagala nnyo
Okuva ku kaasooka bambi mumpagidde mwebale
Nkubye obuyimba omuddiriŋanwa obunyuvu
Abaali bannyooma ne batuula mu bufoofofo
Ku luno oluyimba ononkooneramu
Ndutuumye kezaala abasajja abalina abaana
Mu bakazi kinnoomu
Olina obulumi era osula bubi nga nze
Ye lwaki abakazi be tuwasa
Temwagala baana be musangamu mu maka?
Ng’oluusi naawe wajja n’owuwo
Ssinga namuggobya mbuuza wandisanyuse?
Owoza kezaala
Kale buli mbuzi eddeyo ku nkondo gye yava
Sigenda kwola ŋaaŋa
Obwana bw’emmese okukuza obwana bwa kkapa ŋaanye! Aah!

Naye abakazi mwakafa obubi
By’obonyaabonya abaana bikijjanye balo
By’ondadiza daddy by’ebiki?
Nga be nzaala eky’eggulo mbooko ze balya
Kale mwakafa obubi
By’obonyaabonya abaana bikijjanye balo
Ondadiza daddy by’ebiki ebyo?
Nga be nzaala eky’eggulo mbooko ze balya

Guno oba gw’asinga ani?
Ku nze n’omukazi oli eyandekera abaana
Namunona ewaabwe n’agaanirayo
Tayogera kituufu nsonga kwe yava agende
Ne ŋŋuma omutima ne mmwesonyiwa
Kko nze kasita abaana abandekeddewo
Ssaagala mwana akulira bukojja annyambye
Ne mpasa omugole empewo y’ekiro okugiwona
Nayongera mitawaana
Singa naguma ne mba muwuulu mu ga Katonda
Yamala omwaka gwali na gumu
Naggyayo empisa ze eza buli kika zonna
Ffe engeri gye tutambula okupakasa
Mmala omwezi nga ssirabise na waka
Nafunanga amasimu awo agankubirwa
Abaalina omutima ogulumirirwa nti ofa
Abaana bo omugole gwe walekawo mu holiday
Abakuba emiggo kyokka n’oluusi basula njala
Kyokka abakazi!

Mwakafa obubi
By’obonyaabonya abaana bikijjanye balo
By’ondadiza daddy by’ebiki?
Nga be nzaala eky’eggulo mbooko ze balya
Kale mwakafa obubi
By’obonyaabonya abaana bikijjanye balo
Ondadiza daddy by’ebiki ebyo?
Nga be nzaala eky’eggulo mbooko ze balya

Nasooka ne nnoonya bwe mbitandika
Kko nze kanfune ekisulo mbanonengayo okuwummula
Anti abaana baba n’eddalu
Bandiba nnyaabwe baamutenguye okubatuma
Nga nkyali eyo bwali ku makya
Ne mpulira alanga ntino yalonze omwana
Ng’amannya ge, emyaka n’endabika ye
Bifaanana owange ne neekanga!
Kwe kwata essimu awo ne ngiwulugumya
Mmubuuze abaana oba bali bulungi basoma?
Yanziramu mmala bye nkola
Nfune akadde ngye nkukubireko nkakuteme
Emisege gyo nno ogumu gw’abuze
Naye nkakasa gwefumbizza bufumbiza
Gwagenda luli ne ngulindako
Nga manyi gudda bwatuuka kukya nga ssiraba
Emyaka omwenda obwenda gy’alina!
Asula atya ebweru gwe n’osigala nga weefuluutira!
Omwanange omuberyeberye
Nakazibwe Nifah oba abasezi b’eyo baamulya?

Naye abakazi mwakafa obubi
By’obonyaabonya abaana bikijjanye balo
By’ondadiza daddy by’ebiki?
Nga be nzaala eky’eggulo mbooko ze balya
Kale mwakafa obubi
By’obonyaabonya abaana bikijjanye balo
Ondadiza daddy by’ebiki ebyo?
Nga be nzaala eky’eggulo mbooko ze balya

Kazibwe eby’okukyala ka mpummulemu
Kuba abakazi munnemesezza abaana
Nze atalina maama ani alibalera okubakuza?
Nti oba mutwalire jajja we?
Kuba omukazi kasita amanya
Nti olina ssente ye akikola nga diiru
Bw’aba n’omwana ofuuka dduuka
Osasula ennyumba mbuno abaana bo mwe basula
Wabula ekyennyamiza
Kugifuula loogi anti alindiramu balenzi be
Ez’akameeza zo owa za mpaka
Lw’omissinga FIDA n’edduka okukunona
Bakulu mwonoonye amazima mu maka mbabuulire!
N’anobye olw’omwejo n’omunsibako okumulabirira
Atakikola nsiimye nnyo
Okuuma abaana be wasangamu obutajula
Nammwe abaami ke mbasuulayo
Ofunanga akadde nga k’abaana kubawuliriza
N’eyanoba n’obalekayo
Ogiranga n’obalambula babeerayo nga babonaabona

Abakazi mwakafa obubi
By’obonyaabonya abaana bikijjanye balo
By’ondadiza daddy by’ebiki?
Nga be nzaala eky’eggulo mbooko ze balya
Kale mwakafa obubi
By’obonyaabonya abaana bikijjanye balo
Ondadiza daddy by’ebiki ebyo?
Nga be nzaala eky’eggulo mbooko ze balya
Repeat to end

Submit Corrections